立即follow Beautylands Facebook Instagram，緊貼最新美容資訊和優惠！
👉🏻https://www.facebook.com/beautylandshk
👉🏻https://www.instagram.com/beautylandshk
今個聖誕，以「大麻成」作為主角的「置富Malls x Cheap Century 聖誕Amaze城」將為置富Malls商場添上不一樣的聖誕型男麻甩味。今日活動開幕禮，置富Malls除了邀請到主角大麻成到場之外，更找到城中另一麻甩男神YT大哥周殷廷擔任嘉賓，YT現場表演時突入商場標誌性的旋轉木馬，化身白馬王子深情演出獻唱，冧爆台下粉絲高呼「三生有幸！」，更親民地與在場超過三百位粉絲握手互動，亦與粉絲大玩遊戲送出聖誕禮物。活動焦點當然是兩大城中麻甩型男首次相遇，互送高帽，場面搞笑又溫馨。
延伸閱讀：
👉🏻Anson Lo教主全新個人單曲《致我》主題巴士應援 日期/路線/特別安排
肌肉白背心VS肚腩孖煙囪 YT羨慕大麻成大吃大喝
「YT大哥」周殷廷以動人歌曲及深情演繹，配上強勁肌肉、白背心、唏噓鬚根，成為香港娛樂界最火紅的麻甩型男歌手。不過要保持型男形象，YT大哥直言辛苦：「要keep住身材，除咗運動仲要控制飲食。我係個自律嘅人，運動嗰part難我唔到，但食嘢真係好難忍，尤其係大時大節。我好想食聖誕大餐，不過都係要忍住保持身型。所以我好羨慕大麻成，我要小背心show肌肉，佢就孖煙囪配大肚腩一樣可以征服大家。今次仲要成為「置富Malls x Cheap Century 聖誕Amaze城」嘅主角，啲setting好靚，真係好羨慕佢。啲網民歌迷成日講笑話我係男人嘅天花板，我就話大麻成係男人嘅大氣層，高好多！」
👉🏻陳卓賢首部主演電影《久別重逢》年底上映 飾年少版鄭伊健 與許恩怡共譜動人愛情！
自薦加入《Cheap Century》吸收麻甩味
為聖誕節及今次活動換上華麗新裝的大麻成卻敬佩YT大哥保持身材的意志力。一直以孖煙囪作為標準造型的大麻成，本想減肥迎接聖誕但最後失敗。於活動中，大麻成邀請YT大哥加入「Cheap Century」大家庭，希望進一步擴大麻甩潮流，卻被YT大哥婉拒。YT大哥：「我無論靠肌肉，定係食多啲儲個大肚腩，都追唔到大麻成嗰陣麻甩味。我會畀心機做gym，作多啲唱多啲好歌，做好自己先。不過我都有同大麻成自薦，希望加入《Cheap Century》，增加番啲麻甩味！」
（圖片資料來源：PR）
本月限定獨家脫毛優惠碼，立即登記獲取最新優惠。
