延伸閱讀：
👉🏻【親子好去處】MOSTown 新港城中心 X TOYZEROPLUS X LuLu the Piggy MOST-OLYMPIGS金牌運動「豚」同LuLu豬一齊迎接奧運
嚟到深圳，商場除咗好靚之外、空間仲好大、又好多嘢玩。
好多時真係可以喺一個商場逗留一日，由朝玩到晚！
今次為大家介紹兩個親子夜繽紛嘅商場啦。
重點係，好抵玩！最平嘅可以平均RMB 10蚊玩一次遊戲。
呢度有適合小朋友嘅遊戲如: 撈魚、彈床，仲有適合親子嘅機動遊戲兒童版過山車、太空接波波、跑車版海盜船、小火車、卡丁車、電動車、旋轉魚木馬海洋版、親子版青蛙跳等。
重點係，大人陪小朋友乘坐都只係計小朋友嘅人數，所以超抵玩！電動車都好抵玩，好似我哋有2個小朋友為例，兩姊妹同座一部車，都係計一次，所以車款上有分歧，不如一齊輪住玩，咁每人可以坐到2次電動車~~
呢個BB版過山車都一樣抵玩，一家四口上都係計兩個小朋友嘅遊戲次數~
過山車真係好BB級，所以我哋妹妹都玩到，亦唔驚，仲好興奮！
太空接波波好適合年紀小嘅小朋友，坐上太空座拎一個網。
延伸閱讀：
👉🏻【親子好去處】《夏日齊玩Nintendo Switch》任天堂經典角色齊集尖沙咀海港城！
遊戲開始就會360轉圈，波波會喺中間噴出，小朋友就用網接波波。
親子版青蛙跳會轉圈，順時針、逆時針轉，同時配合彈上彈落效果，挑戰離心嘅遊戲呀！和牛b好鍾意玩。
旋轉魚木馬海洋版都好抵玩，轉咗成2、3分鐘都未轉完~
同樣都係大人陪小朋友玩，大人係不收費。
彈床小朋友超級放電設施，限時跳跳到夠鐘先可以落嚟(哈)
跑車版海盜船，呢個有少少刺激，因為會360度轉圈。
離心力就冇乜，但如果易頭暈就唔建議玩了。不過職員哥哥都好好，佢有同我哋講，如果接受唔到，可於遊戲期間開聲要求都可以停。兩姊妹表示好好玩，不過就話唔玩多次。
延伸閱讀：
👉🏻【親子好去處】小豬佩奇 Peppa Pig Treasure Hunt 親子互動展 6月28開幕！
收費表:
【寶安前海 HOP 天地】
地址: 深圳市寶安區前海HOP天地
前往方法: 搭乘深圳地鐵4號線，於深圳北站轉5號線 (赤灣方向)，前往寶華站B2 出口步行 2 分鐘可到達。
另外一個商場外，亦都有夜親子夜繽紛。
收費都係差唔多，所以都好抵玩。
延伸閱讀：
👉🏻中文大學全新全日制「幼兒遊戲及藝術文憑」幫助DSE考生升學或晉身幼兒教育專業
有電動車、彈床、玩具釣魚、救火消防車 (射水)、小飛象太空飛船版、旋轉木馬、跑車版海盜船等。
^ 彈床
救火消防車 (射水)，又係超抵玩，轉咗好耐都未完~
大人都可以坐上去陪小朋友玩嘅電動車，夜晚發晒光仲靚!
玩具釣魚遊戲，純粹體驗玩具魚仔唔可以帶走~
以上兩個景點推介，都算收得夜，可以由朝玩10時到晚上10時！
當然亦可以隨時離場，因為每次遊戲只要出示當日已購嘅票，就可以玩。
佢哋同樣都係充值方式買，如果同一大班朋友嚟，仲可以share用，所以唔需要擔心驚用唔晒~
延伸閱讀：
👉🏻【暑假好去處】KAKAO FRIENDS 夏日競技場 登陸MCP新都城中心 暑假大人細路玩轉將軍澳！
【龍崗萬達廣場】
地址: 深圳市龍崗區華南二道1號
前往方法: 搭乘深圳地鐵10號線前往木古站B出口步行約15分鐘/ 華南城站C出口步行約10分鐘。
記得關注我哋，留意最新玩樂景點呀~
記得Like & Follow我哋Facebook同IG呀!
http://www.facebook.com/80smami/
